Population policy

Q.    Adam leh Noe kiangah Pasian in,
suan leh khak tampitak nei dingin leitung ah a dim dingin
thupha a pia tuak hi.
Ahizongin tuhun adingin thupha mantak ahi theilai ding hiam?

Ans. Leitung pilna tawh (Secular Word-Word-View) pan in ih et ciangin tuhun a leitung mi tam luatzia leh i tam baih ziate en le hang i gam sung economics ne mai mang leh gentheihna hong ngahsak ahih na pen nialding om khollo in gam khantohna a dal mahmah hi cih ki theih mahmah hi.
   
    Laisiangtho in ahih leh ta tampi nei in, suan leh khak tampi tak neihna pen Pasian hehpihna thupha lianpi tak in ngaihsun hi cih honghilh zaw hi. Tua a hih manin Adam leh Noe tungah ta tampi tak neiding a, leitung mun khempeuh a luah dingin thupha a pia hi (Pian 1:28, 9:1).
   
    Abraham kiangah a thuciam lianpen zong minam khempeuh " Pa'' hih ding thu ahi hi. A ki ciamna bangin minam khempeuh te "Pa" in a bawl hi(Pian 17:3-8). Amasa ah thu hangin, ki dotloh a phamawh thu in, tu hun dinmun adingin, hih Pasian thupha pen a hi theilai ding hiam? A thu kheello phamawh loding hiam?
   
    Leitung pilna a nei Theologian mi tampitak te muhna ah Population control na pen Pasian in zong ki samsa mahmah dingin upna anei omta hi leh ki lawm hi, mawhsak samkei hang! Tulai takin leitung buppi ah mihing millian 7 bang ki pha oef; 95 bang in ki-khang hi leh kilawm hi, nidang sangin nek leh dawn, zatui zaha te lah hoihzaw a hihman in, ki cidam zawdeih leh kilawm a, hun khat laisangin zong sawtvei kidamzaw deuhhi, kumtam ki nungta zawta hi. India gam leh sengam bangah ih vaakzawh loh pipi ding tu leh ta neih kisamlo ta haute pen khanglui lungsimlua teh ci-in i kimawhsak zawzen ta hi.
   
    Ih mipil pawlkhat te in lah mihing tam semsem in mi-ih khan hangin, ih gam khantoh na (Econimic development)hong nawngkai sak in, khantoh na adal mahmah leh i tualgal lianpi hi, ci-in mawk paupau laideep uh hi. Alauhuai, a mulkim huai lamin gen uh hi. Mitamna pen Bomb tang tawh genteh liang uh hi. (Population explosion) Mitamluatna pen bomb puakkham tawh genteh ommawk hi.(Cih nopna in mi tam baihluatna pen siatna tampi a piangthei bangin a genta zen uh hi.Hih bang ngaihsut nate pen ih mipil a tamzawte in thuman zaw bangin a thukim pih uh hi.
   
    Tua ahihman in, naupaai lohnang a, a kibawl a kidal nangnam tuamtuam tawh a bawlta zen uh hi. Naupaai lai sisak a, kiat sakding cih a tuamtuam te, a gambup thukham nangawn ah a bawl bang ommawk hi, hih bang  a nau hun lopi a, sisak a, kiat sak nameel a theilo gam te, mi banglo, hun dan a theilo in, a muta zen uh hi.
   
    Hih bang pilna in ih  Laisiangtho deihna tawh ki lehbulh semsem a hih man in, ki thei mawhbawl uh hi, Pasian in tuhun in thu honggen in, hong hilh hi leh Population Control pen thu kim in thu honghilh tading leh ki lawmsak uh hi.
   
    Alanglam en dih ni, Pasian deih na thu in Pasian thu pen a tawntung in thu man thutak hi cih i up nak leh kum 2000,3000 ciang a thu ki khello in a piang theiding hiam? Mimasa te kiangah Pasian in, thupha a piakna pen tuhun mitam semsem na tawh thuman thutak a hihna thu endih ni.
   
    Amasa pen in : A ciil a kipan Pasian in leitung ah mi khempeuh a dim dingin thupha a piakna pen tuni dong a taangtung nailo a hi leh kilawm hi. Hih bangin Pasian geel nate a taangtun ma-in mihing tam semsem nang khaktan lamah hanciam in, a tawntung Pasian geelna pen a thusimlo leh a langpang suak loding i hi hiam?
   
    Dr. Henry Morris in 1974 kumin hi thu tawh kisai-in hih leitung pen Square pi 400,000 sang a a zaizaw nangawn pen, hawmbawl leng, mikhat sang a tawm zaw in luahthei pan hi cihgen hi. Tua bang a hih ciangin, hih leitung pen mi hing te kidim nailo hi, cih ih thei hi.
   
    Ecomomist te leh Environmentalist pawlkhat te in hih leitung in aneek zawhloh zahdong a, mitam khin bangin honggen a, tua bang taktak hi leh hih leitung in a vaak zawh zah mihing pen bangzah bang hiding hiam? cih thu pen Roger Revelle, Harverd University sangah a sem Centre for Population Student to Director in tu laitak a pilna siamna tebek zong, hih leitung in, tu laitak a mihing om zahsang a, a tamzaw hong vaakzo lai hi, naci zo hi. Mipilten a tuat dan in, hih leitung in nopsakna tawh a vaakzawh ding pen mihing million 500 bang vaakzo ding hi," ci-in, Donald Freedman leh Bernard Belreson te in nagen uh hi (Scientific American(231.Sep1947, Pg 31).
   
    Nitha hatna leh thagui naak thatang tawh  a tuamtuam te in vanzat ki cing zaw leh a hoihzaw te ki zathun bang ciangin, tua sanga a tamzaw vaakzolua ding hi ci-in, Henry Morris in na kipsak lai hi (Morris "Evolution and the Population problem).
   
    Tua ahih leh leitung mite pen banghun ciangin million5000pha ding i hi hiam?World Development Population 1992tuatna ah leitung buppi  pen kum sim in 1.7 million in khang hi. Ih khantoh zia zui-in mihing tamdan kiam semsem zaw hi. Mipil (Demographer)te tuatna-ah AD 2000 ciangin(kadi)6 bang AD 2050 ciang in kadi 10: AD 2150 ciang in(kadi)23 bang hi thei ding a, tua hun a ki pan damdam in kiam semsem ding hi ci-in World Bank lam mipil te in a natuat dan zong na om hi. Tua ahihman in tulai tak a (kadi)5.6 pan 50 dong a tunding pen tuatsiam theihding haksa mahmah ding hi. Roger Revelle mahin leitung in a vak zawhloh dong a mi a tam , leitung  a ta zolo zahdong, a tunma-in mi khanzia pen tawpman ding hi, ci-in nagen thuahlai hi. Leitung idim leet taktak ma-in Topa Jesu hongpaikik ding pen naizawh leh kilawm kisa hi na ci hi. Laisiangtho maw! Mipil te gen na maw koipen hong masa dinghiam? cih ngaihsut ding zong ki lawm mahmah ding hi.
   
    Mipil mahmah i cihte lakah zong muhna leh ngaihsutna ki lamdang tek hi, lau phawn na,(Pessimist) pawlte in tuma kum 200 hun a Thomas Malthus hun akipan tu ni dongin, leitung mi te pen khangbaih luasa in, kawici bangin khak tan theiding hiam? cihbek ngaihsut in nanei leuleu uh hi. Tua bang kawmlak ah leitung pen khangto mahmah a, nek leh dawntawh kisai-in,  atamzaw in tuat leng tam semsem zaw hi. Buh ci hoihhoih khai ci hoihhoih te, leitung thaksuah theinang lungno thahna zatui nam tuamtuamte leh zanzat set lamdang a tuamtuam a (ခေတ်မှီ) theithei hong piankhiat man in, tuma lam sangin buh le baal, Anteh theipuam hongtam semsem ta hi. Environmentalist te in siattheina a lau huai banga, a ngaihsut uh huihlum(Global warming)hongtung phial zongin tua bang huihlum te leh guahtam nate carbondioxide tam nate pan Anteh theikung te in hoihna in neizaw uh hi(John Bogaar TS) te in "canthe growing Population Feed it self " scientific American, March 1994 American leh western Europe gam bangah a zuak na mantawm luatman in a leinuam a omma in kudawngah sawt vei koihluatna hangin Buh le khai nam tuamtuamte pen athak atawm theihthei hih na'ngin politician tampi tak te in hanciampha mahmah uh hi.

Saya SaiRuma