Monthly Recollection of Priests of Kalay Zone
Monthly Recollection of Priests of Kalay Zone at Newly Adoration Chapel of St. Mary's Cathedral, Kalaymyo (14.9.2019).
Tuni zing sangnai 9:00 panin Kalay Zone aa om Siampi tengin kha khat (1) veita a bawl khawm uh Pasian thu lungngaih na pen Kawlpi St. Mary Siangtho Pumpi Buk thak sungah noptak in bawl uh hi.
Zing sang nai 9:00 pan in Office Reading a kici Siampi te ii thungetna te ki ngen khawm in 9:30 panin Pasian kammal tawh kha an vak na Fr. Joseph Ki Khui Um in hong nei hi. Tu ni pen (the Exaltation of the Holy Cross) a Siangtho Singlamteh Zahtak Piakna Pawi, Singlam teh tawh gualzawh na pawi a hih manin Siampi te in ih Singlam teh ciat ih puak siam ding a kisapna thu muibun takin hong gen hi. A ma gen na ah "ei Siampi te in 'Throne and Cross) ih nei hi. Throne pen Power Aana hi aa Cross pen haksatna (gualzawhna) a hi hi. Throne ih teel leh tua pen ei aa ding bek hi- in Cross ih tell leh (Crown) gualzawhna kham lu khu ih ngah ding hi. Herod Kumpi pa in Throne (Aana) bek zang a hih manin siatna lam zuanin John the Baptist gawng tan kha hi. Topa Jesu in (Cross) Singlamteh zang a hih manin gualzawhna kham lukhu (Crown) ngah hi. Cross in a vang tang a hih manin Cross tawh a kizom te zong a vang tang hi. Cross pen lawptakin ih puak nop kei leh Topa Jesu ii gal te ih hi thei kha ding hi.
Throne leh Cross koi zaw teel zaw ding, limzat zaw ding ih hi hiam ngaih sun ni. Ih Sing lamteh ciat lawptakin ih puak siam zawh nang hanciam ni" ci- in tha piak na hong nei hi.
Tua khitteh Siampite mawhsutna hun leh private aa thu ngetna, daitak in Pasian thu lungngaihhun ahi hi.
Tua khitteh lasakna leh khikhin na nei in tua tengan ciang (Midday Prayer) sun hun aa Siampi te thungetna ngen khawm in tua teng a man khitteh thu zaksak na leh Angelus thu ngetna tawh sun (12) hun in kiman siang hi.
Hun man ciangin hong nusia sa Pa Clement Pau Khan Suan a sih zawh kum (4) a cin ni a hih manin a zi Nu Cing leh a tanu ta pa teng in a mah a phawkna uh tawh a piak khiat uh an te nei dingin amau inn ah pai-in inn thupha piakna, thu ngetsak na leh an nek na te ki nei- in tua pan hun man ciang cidam lungnuam takin omna inn lam ciat ah ki ciah kik hi.
Ei thu zui mite in zong Prayer group ki pawl na tawh a hi zongin ei bek ih hi zongin thungetna ih neih ban ah Pasian thu lung ngatna ih neih zel zel ding zong ki sam pha mah mah hi. Lungdam hi.
