Creation of New Parish, Vangteh Village May 4th 2022
Kalay Diocese hong cing hong kem Bishop Felix ii makaihna tawh St. Mary Biakinn Pi, Vangteh Khua pen Parish in ki ciamtehin Parish Thank Hon Pawi May 4, 2022 ni-in nasia takin ki bawl hi.
Hih Vangteh Parish Thak pen Saizang Parish pan inntuan thak hi in tua sungah Suangpi Parish sung pan Dimpi Khua zong Vangteh Parish thak ah inn ki tuan sak in Vangteh Parish Thak sungah khua nih (Vangteh leh Dimpi) om hi.
Hih Parish That Hon Pawi pen Biakinn Kong mai pan thupha piakna tawh ki bawlin tua khitteh Rev. Fr. Andrew Suan Lian Mung tungah Siampilian pa in Parish Priest hihna (tavuan) vaipuak piakna Laipi simna leh Vangteh Khua St. Mary Biakinn pi pen Parish Thak in ciaptehna Laipi piakna nei hi. Tua khitteh Missa Biakpiakna ki zomto suak hi.
Missa Biakpiakna hun sungah Siampilian pa leh Siampite (6) ki hel thei in khua kim pan pawi sim teng leh Khua sung pan mipi kigawm tul kim pha hi.
Vangteh Khua ah pen thuzui mi inn (130) pha in Khuazang bup pen inn (400) pha dektak ki ci hi. Vangteh Khua St. Mary Parish Thak pahtawina in Kalay Diocese mintawh sum (1,000,000) tengsawm Siampilian pa in inntek Siampipa Rev. Fr. Andrew Mung tungah pa hi.
Vangteh Khua ah pen St. Theresa Nungak Siangtho te Sang (Convent) zong om in Nungak Siangtho (4) om hi. Pasian thu sin naupang zong tam mahmah a hih manin Nungak Siangtho te in zong thangah mahmah ung ci hi.
2022-06-09 01:07:16
