A Natluat leh

1. Lutang a natluat leh
Na nuntaak hun sungah khatvei bek na thuak khak ngeiloh na lutang a natluat a, khuasiik tawh hong kikhuahkhawm leh ( Sinus headache) piang thei banah, khuak sung a om sihuihte kitam thei lai hi ci-in ( American Collage of Physicians) pan in taangko uh hi. Tua ahih man Siavuante kiangah manlang takin puakpah ding kisam hi.

2. Awm, gawl, khaguhte a natluat leh
Awm sung, gawlsung, khaguh, liangko, baan, leh gilsung a natluat leh lutang tawh kisai hoihtak donpah dingin kisam a, siavuante kiang paipah ding han-ciam in.

3. Kawng leh Liangte gel a natluat leh
Hih munte hong nat luat leh a guh bawk hi thei hi. Tua banah lungtang sihui natna zong hi thei ahih manin sikhang,  sihui khak leh zunkhum natna neite hoihtakin kikep kul pah hi.

4. Gil sung a natluat leh
Gil sung teng hong natluat mahmah leh gilpeng na hi thei pen hi. Sinkha, zeel, gilpi leh sungpai theilo a khakcip zong hi thei ahih man siavuante kiangah kilah pah dingin hoih hi.

5. Khe langkhat a natluat leh
Khe langkhat bek a hong natluat mahmah leh sihui sikhal in khak hi thei hi. Tua banah tuap sungah a khal om zong hi thei a, Cancer natna leh thauluat na hangin (Deep Vein Throm bosis- DVT) hi cih hong thei kholsak ahih man siavuante kiangah kilahpah dingin kisam hi.

6. Khepeek,  khemete hiikin anat luat leh
Zunkhuum natna nei na hih lam a hong theisak hi. Khepeek tung a om sihui ten nasem nawn lo cihna hi a, na dangtaakin tui hong duh sak den ding a, khe mete tung siksut bang daanin a nat velval leh khua theina sihui in zong hoih takin nasem nawn loh a hih manin siavuante kiang zuan pah in.
7. A natluatna a hang na theih kei leh
Lungkiat natna nei cihna hi a, lutang, gil, khut le khete na zong hi thei hi. Cina a mah bekin a om nop mawk leh lauhuai ahih man siavuante kiang ah pai pih in.


8. Taaisung leh gilsung a natluat leh
Nu mei khempeuh in kha sim a athuak tek uh sangin nakpi tak anat zawk khak leh naubu sung damlo ahihman siavuante kiangah kilakpah in.

9. Khepeek leh kawng kikaal a natluat leh
Na kawng nuaisiah a nasem (Sciatie Nerve) mun bang khat peuhin sukkhak sak man hi ding hi. Tua ban ah na khete khai zo loin, na huih (veih) ip thei lo, zunbu natnate hong pian leh manlang takin na kibawl pah kei leh khe zawtnatna nagah kha thei ding na hih manin thupi ngaihsut pah dingin kisam hi.

10. Nung suk teng hong natluat leh
Na nungsuk teng a natluat manin, na cisa kahin, na sung niim a, na luak leh kaal sungah natna lungno lut ahih manin siavuante kiangah kiveel pah kei leh kaal thaguite kisia in, sisan sungah gulut ding a, kaal buppi-in kisia khin mang ding hi.

11. Gawl, khut bombul leh bantawn a natluat leh
Hih natnate na thuak banah khutme teng, khutpeek sung leh khutme kawm leh nunteng hiik in hong natluat banah, na banbul ciang hong nat takteh ( Carpal Tunnel Sipidrome) natna ngah an hih manin siavuante kiang na kibawl pah keileh na ban sagolh khempeuh hong bei ding a, bangmah sem zo nawn loin lauhuai tak na om kha ding hi.

12. Na dawn khatpeuh hang ha a natluat leh
Ha a khauhsak a tuamna teng a bei tak ciangin lungin hong ne a, ha sung a om khuaphawk theina thaguite nawngkaai sak ahih man, a sa lua leh a vot lua khatpeuh tawh a kimuh khak ciangin  na ha ong nalua thei ding hi. Tua talteh siavuante kiangah kilak pahin.

Sia Bernard Lian